نبدأ بالاكل الصحي + ممنووووووووعاااات الحمل
*********************
1- هناكل اللحمة والفراخ البلدي عشان ناخد البروتين / ونبعد عن الفراخ البيضاء او لو خلاص مبنقدرش نستغنى عنها ناكلها مرة كل شهر

ليه يا ميرو ؟؟؟؟؟
عشان الفراخ البيضا فيها هرمون استروجين عالي قوي والحامل بيبقى اصلا عندها توازن بين هرمون الاستروجين والبروجسترون ولو كترنا من الفراخ البيضا يبقى هنبوظ تواز الهرمونات في جسمنا بالتالي الجنين ثباته هيقل واعوذ بالله ممكن يحصل اجهاض



2- هنشرب لبن ومشتقاته ولو انتي يا فتوكة من اللي بيرجعوا من طعم اللبن في اول 3 شهور يبقى كلي جبنة ومشتقاتها وحاولي تعملي اللبن بأي شكل تاني زي الرز بلبن والسحلب ولما الترجيع يبطل مش هيبقى عندك مشكلة مع اللبن


3- هناكل السمك مع بعض التحذيرات / هنبعد عن اي سمك له
تحذيرات السمك :
1- التونة المفتتة متتاكلش اطلاقاً ، وده ليه ؟؟؟؟
عشان التونة المفتتة بتبقى من منطقة جذع سمكة التونة اللي بتعيش المحيطات اللي فيها اكبر نسبة تلوث
بالتالي التونة فيها زئبق وده عنصر سام وخطر بالنسبة للبيبي

طب لو نفسي في التونة قوي اعمل ايه ؟
كلي تونة قطعة واحدة عشان بتبقى معمولة من منطقة ذيل السمكة اللي بيتحرك كتير عشان يدفع السمكة والدورة الدموية شغالة فيه فبيطرد اي تلوث من نفسه

2- متاكليش الاسماك اللي ليها شنبات زي القرموط عشان بتعيش في قاع البحر وبتاكل منه فبيبقى فيها حديد وعناصر ثقيلة خطر قوي عالبيبي





4- هنشرب عصاير فريش ونبعد عن الصناعي عشان المواد الحافظة والالوان الصناعية



********** الممنوعات الخطيرة قوي في الحمل وخدي بالك ***********

***ابعدي عن الكبدة عشان فيها فيتامين أ كتير وبتحفز تشوهات الاجنة ،
ولو واحدة صاحبتك نصحتك بيهم فده لانها ممكن تكون عندها قلة خبرة او قلة معرفة
او حابة تساعد بحسن نية على اعتبار اننا بنقول لاي حد عنده انيميا او مريض كل كبدة
بس مع الحوامل ده مينفعش خالص


***ابعدي عن المواد الحافظة والبونبون واللبان والشيبس والبيبس كل انواعه

***التحذير الكبييييييييييير قوي اوعي اوعي اوعي تاكلي او تشربي اي حاجة فيها قرفة او جنزبيل
عشان بيعملوا انقباضات فورية (افتكري ازاي كل اللبنات كانت بتشربهم في وقت البريود عشان يطرد الدم من الرحم)


ولو افتكرت اي اكل ممنوع هقولكم عليه

دي نصائح دكاترة نسا وتوليد ودكاترة حقن مجهري (لان يهمهم ثبات الجنين) ودكاترة تغذية الحوامل

فبالله عليكم خدوا بالكم من اللي في بطنكم عشان ده امانة ونعمة

وربنا يقومكم بالسلامة يــــــــــــــــارب
ويرزقكم بالذرية الصالحة